Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 145-1} tuṉaiyunar viḻaitakka ciṟappu pōl kaṇṭārkku
• {KALI 145-2} naṉaviṉ uḷ utavātu naḷ iruḷ vēṟu ākum
• {KALI 145-3} kaṉaviṉ nilaiyiṉṟu āl kāmam orutti
• {KALI 145-4} uyirkkum ucāam ulamvarum ōvāḷ
• {KALI 145-5} kayal purai uṇ kaṇ arippa ari vāra
• {KALI 145-6} peyal cēr mati pōla vāḷ mukam tōṉṟa
• {KALI 145-7} pala oli kūntalāḷ paṇpu ellām tuyttu
• {KALI 145-8} tuṟantāṉai uḷḷi aḻūum avaṉai
• {KALI 145-9} maṟantāḷ pōl āli nakūum maruḷum
• {KALI 145-10} ciṟanta taṉ nāṇ um nalaṉ um niṉaiyātu
• {KALI 145-11} kāmam muṉaiiyāḷ alantāḷ eṉṟu eṉai kāṇa
• {KALI 145-12} nakāṉmiṉ kūṟuvēṉ mākkāḷ mikāatu
• {KALI 145-13} makaḷir tōḷ cērnta māntar tuyar kūra nīttal um
• {KALI 145-14} nīḷ curam pōkiyār vallai vantu aḷittal um
• {KALI 145-15} ūḻ ceytu iravu um pakal um pōl vēṟu āki
• {KALI 145-16} vīḻvār kaṇ tōṉṟum taṭumāṟṟam ñālattu uḷ
• {KALI 145-17} vāḻvārkaṭku ellām varum
• {KALI 145-18} tāḻpu tuṟantu toṭi nekiḻttāṉ pōkiya kāṉam
• {KALI 145-19} iṟantu eri naiyāmal pāay muḻaṅki
• {KALI 145-20} vaṟantu eṉṉai ceyti ō vāṉam ciṟanta eṉ
• {KALI 145-21} kaṇṇīr kaṭalāl kaṉai tuḷi vīcāy ō
• {KALI 145-22} koṇmū kuḻīi mukantu
• {KALI 145-23} numakku evaṉ pōlum ō ūrīr emakku um em
• {KALI 145-24} kaṇ pāyal koṇṭu uḷḷā kātalavaṉ ceyta
• {KALI 145-25} paṇpu tara vanta eṉ toṭar nōy vētu
• {KALI 145-26} koḷvatu pōlum kaṭum pakal ñāyiṟu ē
• {KALI 145-27} ellā katir um parappi pakaloṭu
• {KALI 145-28} cellātu niṉṟīyal vēṇṭuval nī celliṉ
• {KALI 145-29} pulleṉ maruḷ mālai pōḻtu iṉṟu vantu eṉṉai
• {KALI 145-30} kollātu pōtal aritu āl ataṉoṭu yāṉ
• {KALI 145-31} cellātu niṟṟal ilēṉ
• {KALI 145-32} ollai em kātalar koṇṭu kaṭal ūrntu kālai nāḷ
• {KALI 145-33} pōtariṉ kāṇkuvēṉ maṉ ō paṉiyoṭu
• {KALI 145-34} mālai pakai tāṅki yāṉ
• {KALI 145-35} iṉiyaṉ eṉṟu ōmpaṭuppal ñāyiṟu iṉi
• {KALI 145-36} oḷ vaḷai ōṭa tuṟantu tuyar ceyta
• {KALI 145-37} kaḷvaṉ pāl paṭṭaṉṟu oḷittu eṉṉai uḷḷi
• {KALI 145-38} perum kaṭal pulleṉa kāṉal pulampa
• {KALI 145-39} irum kaḻi neytal itaḻ potintu tōṉṟa
• {KALI 145-40} virintu ilaṅku veḷ nilā vīcum poḻutiṉāṉ
• {KALI 145-41} yāṉ vēṇṭu oruvaṉ eṉ allal uṟīiyāṉ
• {KALI 145-42} tāṉ vēṇṭupavarōṭu tuñcum kol tuñcātu
• {KALI 145-43} vāṉ um nilaṉ um ticai um tuḻāvum eṉ
• {KALI 145-44} āṉā paṭar mikka neñcu
• {KALI 145-45} ūravarkku ellām peru nakai āki eṉ
• {KALI 145-46} ār uyir eñcum maṉ aṅku nī ceṉṟī
• {KALI 145-47} nilavu umiḻ vāṉ tiṅkāḷ āy toṭi koṭpa
• {KALI 145-48} aḷi puṟam māṟi aruḷāṉ tuṟanta a
• {KALI 145-49} kātalaṉ ceyta kalakkuṟu nōykku ētilār
• {KALI 145-50} ellārum tēṟṟar maruntu
• {KALI 145-51} viṉai koṇṭu eṉ kāma nōy nīkkiya ūrīr
• {KALI 145-52} eṉaittāṉ um eḷḷiṉum eḷḷalaṉ kēḷvaṉ
• {KALI 145-53} niṉaippiṉum kaṇ uḷ ē tōṉṟum aṉaittaṟku ē
• {KALI 145-54} ēmarātu ēmarā āṟu
• {KALI 145-55} kaṉai iruḷ vāṉam kaṭal mukantu eṉ mēl
• {KALI 145-56} uṟaiyoṭu niṉṟīyal vēṇṭum oruṅku ē
• {KALI 145-57} niṟai vaḷai koṭpittāṉ ceyta tuyarāl
• {KALI 145-58} iṟai iṟai pottiṟṟu tī
• {KALI 145-59} eṉa pāṭi
• {KALI 145-60} nōy uṭai neñcattu eṟiyā iṉaipu ēṅki
• {KALI 145-61} yāvir um em kēḷvaṉ kāṇīrō eṉpavaṭku
• {KALI 145-62} ārvuṟṟa pūcaṟku aṟam pōla ēytantār
• {KALI 145-63} pāyal koṇṭu uḷḷātavarai vara kaṇṭu
• {KALI 145-64} māyavaṉ mārpil tiru pōl avaḷ cēra
• {KALI 145-65} ñāyiṟṟu muṉṉar iruḷ pōla māyntatu eṉ
• {KALI 145-66} āy iḻai uṟṟa tuyar